Клецкі раённы выканаўчы камітэт

20 красавіка па ўсёй краіне прайшоў рэспубліканскі суботнік. Па традыцыі ў ім прынялі ўдзел жыхары Клетчыны, працоўныя калектывы прадпрыемстваў і арганізацый горада і раёна, прадстаўнікі органаў улады, моладзь. Праца «кіпела» ўсюды: у скверах і парках, на дзіцячых пляцоўках і стадыёнах, на дарогах і вуліцах райцэнтра, аграгарадкоў і вёсак, на месцах воінскіх пахаванняў і на грамадзянскіх могілках. Навядзенне парадку, добраўпарадкаванне, азеляненне тэрыторый – праца, якую кожны ўдзельнік працоўнай акцыі з радасцю рабіў для прыгажосці, утульнасці і камфорту свайго населенага пункта. 

18 красавіка на базе Клецкага цэнтра дзіцячай творчасці адбыўся XII абласны бацькоўскі сход. Адкрыў яго начальнік упраўлення па адукацыі, спорту і турызму Клецкага райвыканкама Анатоль Мікалаевіч Клімовіч. З прывітальным словам да прысутных звярнуўся намеснік старшыні Клецкага раённага выканаўчага камітэта Буйвіла Генадзь Мікалаевіч. Ён адзначыў значнасць мерапрыемства і нацэліў бацькоў на адкрыты дыялог. На мерапрыемстве прысутнічалі спецыялісты, якія асвятлялі розныя аспекты ўзаемаадносін з дзецьмі: Пальчык Алена Пятроўна, педагог-псіхолаг ДУА «Клецкая сярэдняя школа №3»; псіхіятр-нарколаг УАЗ «Клецкая ЦРБ» Акулава Святлана Аляксандраўна. Аб папярэджанні і прафілактыцы гібелі і траўматызму дзяцей гаварылі прадстаўнікі медыцыны, сілавых структур: Тумарава Вольга Міхайлаўна, райпедыятр УАЗ «Клецкая ЦРБ», Адамовіч Ігар Сяргеевіч, старэйшы інспектар ДПС АДАІ Клецкага РАУС і Вашкевіч Уладзімір Міхайлавіч, начальнік Клецкага РАНС. Таксама перад бацькамі выступілі Кулакоўскі Аляксандр Уладзіміравіч, першы намеснік начальніка Клецкага РАУС, Маставая Наталля Уладзіміраўна, памочнік пракурора Клецкага раёна, Жалнярэвіч Павел Уладзіміравіч, начальнік ІСН Клецкага РАУС. Падчас мерапрыемства дэманстраваліся тэматычныя фільмы, відэаролікі, прэзентацыі, працаваў "адкрыты мікрафон", дзе бацькі змаглі задаць пытанні спецыялістам і атрымаць інфарматыўныя адказы.