Навіны раёна

21 снежня, Клецк /Уласн.інф./. З 22 па 26 снежня 2018 года на тэрыторыі Мінскай вобласці праходзіць прафілактычная акцыя «Цвярозы вадзіцель». З мэтай спынення фактаў кіравання транспартам у стане алкагольнага ап'янення як адной з асноўных прычын ДТЗ з цяжкімі наступствамі...

21 снежня, Клецк /Уласн.інф./. Апошнія месяцы адыходзячага года падарылі цэлы россып творчых узнагарод, якія заваявалі выхаванцы Клецкай дзіцячай школы мастацтваў на міжнародных конкурсах. У пачатку снежня ансамбль танца “Каларыт” прывёз з Брэста дыплом I ступені міжнароднага шматжанравага фестывалю “Белавежская зорка”. Праект сабраў у гэтым годзе больш двух тысяч удзельнікаў з 41 гарада Беларусі, Расіі і краін СНД. Канкурсанты выступалі ў намінацыях «Вакал», «Харэаграфія», «Тэатралы», «Інструментальнае творчасць», «Відэаблогеры». Нашы юныя землякі, выхаванцы "харэаграфічнага аддзялення" Клецкай ДШМ, прапанавалі на сцэне Брэсцкага абласнога Палаца культуры стылізаваны рускі танец "Вася-Васілёк" і яркі нумар «Сяброўкі». Узровень падрыхтоўкі канкурсантаў, якіх сабрала "Белавежская зорка-2018", быў вельмі сур'ёзным. Журы прысудзіла нумару "Вася-Васілёк" ансамбля танца "каларыт" дыплом I ступені. У найбліжэйшых планах юных артыстаў - удзел у міжнародным конкурсе "Пражскія канікулы". Права выступіць у Чэхіі ў пачатку студзеня выхаванцы ДШМ атрымалі за перамогу ў творчым праекце "Хрустальны Васілёк".

19 снежня, Клецк /уласн.інф./. «Туда, где нет будней: «Да новых перамог» побывала в агроусадьбах Клецкого района» - з такой назвай у пераднавагоднім выпуску раённая газета ў матэрыяле распавядае пра аграсядзібы, якія гасцінна расчынілі свае дзверы для турыстаў і проста адпачывальнікаў. Нядаўна карэспандэнт "Да новых перамог" пабываў у кожным з комплексаў. Інфармацыя будзе карысная і цікавая не толькі для жыхароў Клецкага раёна, але і для ўсіх жадаючых наведаць наш раён. Матэрыял чытайце на сайце раённай газеты http://www.kleck.by/?p=37761  

19 снежня, Клецк /уласн.інф./. 21 снежня 2018 года з 10.30 да 12.30 у Клецкім раённым выканаўчым камітэце ў каб. 310 (г. Клецк, пл. Маякоўскага, 10, 3-ці паверх) будзе праводзіць асабісты прыём грамадзян і прадстаўнікоў юрыдычных асоб Кузьмін Аляксей Канстанцінавіч, інспектар па Мінскай вобласці Апарата Савета Міністраў Рэспублікі Беларусь. Папярэдні запіс па тэлефоне 50-4-87.

15 кастрычніка, Клецк /Асаб.інф./. 15-ы па ліку абласны фестываль народнай творчасці “Напеў зямлі маёй” сабраў у Мар’інай Горцы творчыя калектывы з усіх раёнаў Міншчыны. Агульная колькасць удзельнікаў — каля 700 чалавек. Гэта свята песні ў Пухавіцкім раёне з’яўляецца галоўнай падзеяй для ўсіх аматараў традыцыйнай беларускай культуры. Гран-пры ў конкурснай праграме атрымаў Клецкі раён. Гонар раёна абаранялі народны харавы калектыў  настаўнікаў і дзіцячы хор “Звонкія галасы” Клецкай дзіцячай школы мастацтваў. Кіраўнік Віктар Кабылкін. Клецкія артысты падрыхтавалі літаратурна-музычнае прысвячэнне “Прамова аб малой Радзіме” паводле твораў Янкі Купалы, Уладзіміра Караткевіча, Міколы Засіма. Менавіта ім дастаўся галоўны прыз – мікрааўтобус. Віншуем! http://www.mlyn.by/2018/10/festyval-napeu-zyamli-mayoj-vyznachyu-peramozhtsu/