Геральдыка
Сучасны герб Клецка зацверджаны Рашэннем №106 Клецкага райвыканкама 29 лістапада 1999 года і ўнесены ў Гербавы матрыкул Рэспублікі Беларусь 21 снежня 1999 года пад №37.
"У залатым полі "барочнага", ці "германскага", шчыта пад княжацкай каронай паляўнічы ражок з залатой фурнітурай".
Паляўнічы ражок - элемент радавога герба "Трубы" уладальнікаў горада - Радзівілаў. Княжая карона падкрэслівае, што князю Мікалаю Радзівілу Чорнаму ў 1558 года было падорана Клецкае княства.
Сцяг горада Клецка і Клецкага раёна зацверджаны Указам Прэзідэнта Рэспублікі Беларусь ад 01.12.2011 года № 564 і з'яўляецца афіцыйным геральдычным сімвалам.
Сцяг горада Клецка і Клецкага раёна ўяўляе сабой прамавугольнае палотнішча з суадносінамі бакоў 1:2, якое складаецца з трох роўнавялікіх гарызантальных палос: верхняй – блакітнага, сярэдняй – жоўтага, ніжняй – чорнага колеру.
