Клецкая раённая арганізацыя Беларускага Таварыства Чырвонага Крыжа

Клецкая раённая арганізацыя Беларускага Таварыства Чырвонага Крыжа
222531, г. Клецк, вул. Талстога, д. 24, кабінет 10
тэл. / факс 8-01793- 69-1-41
Старшыня Клецкай раённай арганізацыі - Жданко Аксана Вітальеўна
Клецкая раённая арганізацыя налічвае 28 пярвічных арганізацый. У сваёй дзейнасці кіруецца асноўнымі прынцыпамі дзейнасці Чырвонага Крыжа: гуманнасць, незалежнасць, нейтральнасць і добраахвотнасць.
Раённая арганізацыя дзейнічае на тэрыторыі раёна як структурнае падраздзяленне Мінскай абласной арганізацыі, у адпаведнасці са Статутам БТЧК без права юрыдычнай асобы. Штогод выконваецца фінансавы план па прыцягненні сродкаў шляхам пералічэння гадавых узносаў ад устаноў і арганізацый раёна. У раён сабраныя сродкі вяртаюцца праз Мінскую абласную арганізацыю ў выглядзе сродкаў на падтрымку праектнай дзейнасці і гуманітарнай дапамогі.
Дабрачынныя акцыі па забеспячэнні гуманітарнай дапамогай праводзяцца для сацыяльна слабых катэгорыяў сем'яў і грамадзян: шматдзетных, малазабяспечаных сем'яў, сем'яў, якія маюць у сваім складзе дзетак з абмежаваннямі, а таксама адзінокіх пажылых грамадзян і інвалідаў. У перыяд святкавання юбілею Вялікай Перамогі валанцёры наведваюць і віншуюць ветэранаў ВАв. Штогод больш за 250 чалавек атрымваюць гуманітарную дапамогу.
Арганізоўваецца збор гуманітарнай дапамогі ад насельніцтва для забеспячэння малазабяспечаных грамадзян.
Дабрачынныя акцыі, арганізаваныя сіламі валанцёраў, праходзяць у крамах «Васілёк» і «Крыначка» па зборы дапамогі людзям, якія знаходзяцца ў цяжкай жыццёвай сітуацыі.
Раённая арганізацыя прымае ўдзел у рэалізацыі міжнародных праектаў, так у рамках швейцарскай гуманітарнай праграмы «Дапамога ўразлівым» катэгорыі грамадзян, якія асабліва маюць патрэбу ў дапамозе, з Заастравецкага, Грыцэвіцкага, Кухчыцкага, Сіняўскага і Чырвоназоркаўскага сельсаветаў забяспечваліся прадуктовымі наборамі.
Рэалізоўваецца дзяржаўны сацыяльны заказ - прадастаўленне сацыяльна-медыцынскіх паслуг. Са сродкаў мясцовага бюджэту ажыццяўляецца фінансаванне заробку медыцынскіх сясцёр. Працуюць 2 медыцынскія сястры міласэрнасці, дапамогу атрымліваюць 5 чалавек, сярод іх анкахворыя і людзі старэйшыя за 90 гадоў.
Работа валанцёрскага атрада - асноўная падтрымка працы раённай грамадскай арганізацыі па прасоўванні сваіх інтарэсаў у грамадства. Арганізаваны валанцёрскі атрад з актыўных пенсіянераў горада, якія аказваюць дабрачынную, матэрыяльную і псіхалагічную падтрымку пенсіянерам, якія жывуць у нястачы.
Вядзецца работа з перасяленцамі з Луганскай і Данецкай абласцей па забеспячэнні ваўчарамі для набыткаў прадуктаў харчавання і адзення ў крамах горада.
Раённая арганізацыя цесна супрацоўнічае з упраўленнем па адукацыі, спорце і турызме, тэрытарыяльным цэнтрам, раённай бальніцай, з арганізацыямі і ўстановамі раёна. Менавіта дзякуючы такому супрацоўніцтву дапамога, якая аказваецца  насельніцтву, носіць мэтанакіраваны і адрасны характар.