Аграрыі Клетчыны падарылі раённай бальніцы аўтамабіль хуткай меддапамогі

Раённая бальніца атрымала ў падарунак ад аграрыяў Клетчыны санітарны аўтамабіль для медслужбаў.

Ключы ад спецтранспарту галоўнага лекара ЦРБ Алене Міцкевіч перадаў начальнік упраўлення па сельскай гаспадарцы і харчаванні РВК Мікалай Галубовіч.

- Сваю лепту ў куплю гэтага новенькага УАЗа ўнеслі ўсе члены мясцовага прафсаюза работнікаў АПК, - пракаментаваў Аляксандр Плешэвіч, начальнік сельгасфіліялу "Клецкі". - Ён папоўніць парк Цэнтральнай раённай бальніцы. Знізіцца нагрузка на наяўныя машыны, а значыць, брыгады хуткай дапамогі яшчэ хутчэй змогуць прыязджаць да нашых землякоў, якія маюць патрэбу ў лячэнні.

Спецыяльна падбіралі паўнапрывадную тэхніку, на якой можна даехаць у аддаленыя вёскі з грунтавымі дарогамі. Актуальны гэты падарунак і ў час, калі медыкі змагаюцца з каронавірусам.

Крыніца: Да новых перамог

Да спіса навін