Дадзены старт рэспубліканскаму конкурсу

Клецкая раённая інспекцыя прыродных рэсурсаў і аховы навакольнага асяроддзя інфармуе, што з 1 студзеня 2022 г. стартаваў рэспубліканскі конкурс па скарачэнні выкідаў ад механічных транспартных сродкаў. У конкурсе могуць прымаць удзел юрыдычныя асобы і індывідуальныя прадпрымальнікі, ва ўласнасці, гаспадарчым вядзенні або аператыўным кіраванні якіх знаходзіцца 25 і больш адзінак механічных транспартных сродкаў (далей – арганізацыі).

Конкурс праводзіцца па наступных намінацыях:

арганізацыі, ва ўласнасці, гаспадарчым увядзенні або аператыўным кіраванні якіх знаходзіцца ад 25 да 100 адзінак механічных транспартных сродкаў;
арганізацыі, ва ўласнасці, гаспадарчым увядзенні або аператыўным кіраванні якіх знаходзіцца 100 і больш адзінак механічных транспартных сродкаў;

Для ўдзелу ў конкурсе арганізацыі ў тэрмін з 1 студзеня да 15 лютага 2022 г. накіроўваюць у Мінскі камітэт прыродных рэсурсаў і аховы навакольнага асяроддзя (далей – камітэт) справаздачу ўдзельніка рэспубліканскага конкурсу па скарачэнні выкідаў ад механічных транспартных сродкаў па ўстаноўленай форме.

Парадак арганізацыі і правядзення конкурсу вызначаны Інструкцыяй аб парадку правядзення рэспубліканскага конкурсу па скарачэнні выкідаў ад механічных транспартных сродкаў, зацверджанай пастановай Міністэрства прыродных рэсурсаў і аховы навакольнага асяроддзя ад 29 жніўня 2019 г. №27.

Да спіса навін