«Клецк» згуляе ў фінале Кубка Мінскай вобласці па міні-футболе

У папярэдніх гульнях турніру, якія праходзілі 16 і 17 студзеня ў Мар'інай Горцы, клятчане сустрэліся з трыма калектывамі з Пухавіцкага раёна і клубам з горада Узда.

У напружаным супрацьстаянні з узденцамi спартсмены з берагоў Лані святкавалі перамогу з лікам 5:4. Хет-трыкам у матчы адзначыўся Максім Агейчык. Затым нашы хлопцы ўпэўнена ўзялі верх над "Вікторыяй" - 8:2. У паядынку па тры мячы забілі Максім Агейчык і Уладзіслаў Чабатар, а Аляксандр Свірыд адзначыўся дублем.

У пакінутых двух сустрэчах залатыя медалісты першынства Мінскай вобласці без працы разабраліся з камандамі "Зорка" (6:2) і "Парашутыст" (7:1).

У выніку "Клецк" заняў першае месца ў групе "Г" і выйшаў у фінальную частку Кубка Міншчыны па міні-футболе. У вырашальнай стадыі клятчане сустрэнуцца з трыўмфатарамі астатніх чатырох груп.

Да спіса навін