Не азмрочваць свята

Штогод Дзяржаўная інспекцыя аховы жывёльнага і расліннага свету пры Прэзідэнце Рэспублікі Беларусь прымае меры па папярэджанні і спыненні парушэнняў, звязаных з масавай нарыхтоўкай юрыдычнымі асобамі, індывідуальнымі прадпрымальнікамі і грамадзянамі навагодніх дрэў іглічных парод.

Навагодняе дрэва да свята кожны можа набыць на спецыяльных ёлачных кірмашах, арганізаваных як лясгасамі, так і прадпрымальнікамі ці непасрэдна ў лясніцтвах. Для нарыхтоўшчыкаў устаноўлены пэўны парадак высечкі навагодніх дрэў на тэрыторыі ляснога фонду.

Згодна з правіламі нарыхтоўкі другарадных лясных рэсурсаў і ажыццяўлення лесакарыстання, нарыхтоўка навагодніх дрэў іглічных парод, у тым ліку навагодніх елак, ажыццяўляецца:
на спецыяльна створаных плантацыях;
пры правядзенні высечак сыходу ў лясах з ліку дрэў, што высякаюцца ў адпаведнасці з лесаводчымі патрабаваннямі;
у парадку расчысткі трас, прасек, палос адводу, ліній электраперадач, на лесасеках галоўнага карыстання і суцэльных санітарных высечак, калі на дадзеных лесасеках падрост не падлягае захаванню.

Юрыдычныя асобы і індывідуальныя прадпрымальнікі ў прамысловых мэтах ажыццяўляюць нарыхтоўку навагодніх дрэў хвойных парод толькі на падставе ляснога білета ў межах прадастаўленых ім участкаў ляснога фонду.

У адпаведнасці з КаАП Рэспублікі Беларусь за знішчэнне, канфіскацыя альбо пашкоджанне дрэў і кустоў у рэкрэацыйна-аздараўленчых, ахоўных, эксплуатацыйных лясах ляснога фонду, а таксама драўняна-хмызняковай расліннасці (насаджэнняў), якія не ўваходзяць у лясны фонд, на грамадзян можа быць накладзены штраф у памеры да 30 базавых велічынь, на індывідуальных прадпрымальнікаў-ад 10 да 200, а на юрыдычную асобу – ад 20 да 300 базавых велічынь. У астатніх лясах ляснога фонду за аналагічныя правапарушэнні прадугледжаны штрафы да 20 базавых велічынь для грамадзян, для індывідуальных прадпрымальнікаў ад 5 да 50, а на юрыдычную асобу – да 100.

У перыяд нарыхтоўкі навагодніх дрэў супрацоўнікі Дзяржінспекцыі правядуць сумесныя палявыя кантрольныя мерапрыемствы з іншымі прыродаахоўнымі структурамі і МУС, накіраваныя на папярэджанне, выяўленне і спыненне фактаў незаконных парубак. Памятаеце, што меркаваная імгненная і сумніўная выгада можа абярнуцца істотнымі матэрыяльнымі выдаткамі і, несумненна, азмрочыць перадсвяточны настрой.

Аб фактах парушэння прыродаахоўнага заканадаўства звяртацца на тэлефон гарачай лініі 8-01770-5-10-66, 2-35-36.

Да спіса навін