З 25 лістапада па 5 снежня Дзяржаўтаінспекцыя правядзе рэспубліканскую прафілактычную акцыю "Зімовыя шыны – бяспека для машыны»

Мерапрыемства накіравана на папярэджанне і прафілактыку ДТЗ у халодны час года, прапаганду выкарыстання зімовых шын.

Акрамя таго, у названыя дні будзе арганізавана шырокая інфармацыйна-тлумачальная праца ў СМІ аб асноўных сезонных рызыках і пагрозах. Супрацоўнікі ДАІ нагадаюць аўтааматарам аб неабходнасці замены шын з 1 снежня, аб адказнасці за ігнараванне гэтага патрабавання ПДР, аб правілах бяспечнага ўдзелу ў дарожным руху зімой.

У Дзяржаўтаінспекцыі рэкамендуюць кіроўцам не чакаць першага дня зімы, а ўжо "пераабуваць" свае аўтамабілі ў зімовыя шыны.

Да зімовага сезона павінны падрыхтавацца і самі вадзіцелі: варта памятаць аб выбары бяспечнай хуткасці, выконваць дыстанцыю з улікам стану праезнай часткі. Важна адмовіцца ад рызыкоўных манеўраў і лішніх перастраенняў, пазбягаць рэзкіх тармажэнняў. Транспартам варта кіраваць спакойна і акуратна. Пешаходам таксама рэкамендуецца праяўляць максімум увагі пры перасячэнні праезнай часткі, улічваць, што тармазны і прыпыначны шлях аўтамабіля на слізкай дарозе значна павялічваецца. У цёмны час сутак пешыя ўдзельнікі дарожнага руху павінны абазначаць сябе святлоадбіўнымі элементамі.

Да спіса навін